Txapela Buruan 1

1. EGUNA -Otsailaren 8a

Hiru ordu lo egin ostean, furgoneta hartu eta Irunetik Hendaiarantz abiatzen gara… gure trena 5:36an irtetekoa da! Ezin dugu sinetsi gure bidaia hastear dagoela.

PREZIOAK

Interrail Txartela 15 egun: 307€
307€ X 4 = 1228€

             Hendaiako Geltokian

8:12an heltzen gara Bordeaux-era, 3 orduko bidaia egin ondoren. Bazen gosaltzeko garaia, eta geltokian bertan “Paul Pavillon Cafe” aurkitu eta bertara joaten gara.

PREZIOAK

“Grand café Creme” bat 3€

Muffiin bat 3€

Croissant bat 3,7€

Energia berritu ostean, ordu erdi eskas daukagu Bordeaux ikusteko. Zer egin? Ibaia ikustera, zentrora hurbildu? Ez dakigu non dagoen ibaia eta ez daukagu katedrala ikusten joateko astirik…zelako kaosa! Han ibili gara aurrera eta atzera ikusteko zerbait ikusi nahian, baina Bordeaux ez da txikia, eta konturatu gabe pasatu zaigu ordu erdia. Geltokira bueltatu eta Limoges-erako trena 10 minutuko atzerapenarekin zetorrenez, andenean deskantsatzen jarri gara horrenbeste buelta eman ondoren.

9:36an trena hartu eta…han goaz hurrengo geltokirantz!

12:20an Limoges-era heldu eta oraingoan bai, turisteo pixka bat egiten dugu! Ibaia jarraituz katedralera heldu eta gure Polaroid kamerarekin argazki bat egiten dugu, jada bidaian gineneko lehen argazkia...Baina tamalez oso txarto atera da argazkia! Hau kasualitatea!

Limogeseko katedrala

Katedralaren ondoan zegoen bazkaltzeko aukeratutako tokia, “Creperie Cathedrale” jatetxea.

PREZIOAK

Crêpe Cabri bat entsaladarekin 7,5€

Crêpe Poulette entsaladarekin 9,5€

Crêpe Trois Fromages 8,9€

Bazkaldu eta geltokira bueltatzen gara bidean gelditu gabe, Pariserako trena garaiz hartzeko. Bai, bai, Paris! Ze ondo!

17:18an heldu eta gure lehenengo anfitrioia, Julene, bertan dago gure zain. Notre Dame-ra joateko RER izeneko trena hartzen dugu berehala.

Julenerekin Notre-Damen

  

 Euriaz ere barra-barra eta beraz ezin izan dugu Eliseoetatik paseatu…

Zer egin berotan pentsatzeko, Paris kafetegira joan gara, Notre Dame parean bertan.

PREZIOAK

Kafe bat 3,5€

Txokolate bat 3,5€

Garestia da kafea hemen!

Eiffel dorrera joatea erabakitzen dugu berehala, RER trenarekin.

Bertara heltzean, gure bigarren anfitrioiarekin elkartzen gara, Iñarekin. Dorrera ez igotzea erabakitzen dugu, eguraldiagatik eta denbora askori ez dugulako.

Julenerekin eta Iñarrekin Dorre Eiffelean

Oraindik ere itsasontzitxoa hartzen saiatzen gara, baina alferrik: Sena urez gaindi dago. Dorrearen azpian Karroussel bat dago haurrentzat, eta zer egin jakin gabe gaudenez…jajaja. Iratiri kriston ilusioa egin zaio, hori bai!

Karroussel 3€

Goihaitz eta Maitane Karrouselean                   Iñar eta Julene Karrouselean                                                  

                     

Juleneri agur esan eta Iñarrekin beste RER bat hartzen dugu Sacré Cœur ikusteko, hori bai ikusiko dugula! Maitaneren toki gustukoena da. Funikularrez igotzen gara, zelako bistak…izugarria izan da.

 Goihaitz eta Maitane: Sacre-Cour

Afaltzeko ordua denez, “La Bohème Cabaret” jatetxera joaten gara.

Menu bat (entrecot, entsalada, patatak) 11€

Omelette bat 9,5€

CocaCola bat 3,9€

Pitxerra bat (50cl) garagardo 8€

Pitxerra bat (25cl) garagardo 4,8€

Crepe chocolat 5,6€

Iñarrek pianoa jotzen du, eta zelan jotzen duen…Artista! Jatetxeko pianoaren aurrean jarri eta hainbat doinu jo dizkigu: Amelie pelikularen soinu banda, Mikel Laboaren hainbat, Lau teilatu... Zelako emozioa! Negar malkoak ere atera zaizkigu! Bat-batean Iñarren zale amorratuak bihurtzen gara!

Madame Cabaret itxi behar du, etxera joateko ordua heltzen zaigu. Taxi pare bat ikusi dugu jatetxe kanpoan hostalera joateko. Baina lehenik eta behin itxaron behar izan dugu taxilariak afaria amaitu arte! On egin gizona!

Check In → Vintage Hostala

PREZIOAK

Pertsona/gaua (gosari gabe) 27,75€

TOTAL: 118,8€

Gauzak utzi, dutxatu eta…gabon Paris!

                                           2. EGUNA -Otsailaren 9a

Hurrengo egunean, goiz esnatu eta 06:30etan geltokira abiatzen gara hurrengo trena hartzeko. Oraindik ez daukagu erreserbarik, eta geltokian Amsterdamerako Thalys trena beteta dagoela eta Bruselasen eskala egin beharko dugula esaten digute. Erreserba egiten dugu, beraz 30€ bakoitzeko. Ordu erdi daukagunez, gosaltzera joaten gara geltokian bertan.

PREZIOAK

Kafe bat 2,9€

Napolitana bat 3,1€

8etan trena hartu eta 09:23an heltzen gara Bruselasera. Baina…bidaia guk uste baino luzeagoa izango da azkenean: Bruselasetik Amsterdamerako trena kendu zuten eta bi aukera dauzkagu:

1. Nahikotxo Nahikotxo ordaindu eta 12ak arte itxaron. 10ak dira eta denbora daukagunez Bruselas ikus dezakegu. Amsterdamen ordu bietan helduko ginateke.
2. Orduantxe bertan korrika 3 tren hartzea: Bruselas-Antwerpen-Roosendal-Amsterdam. InterRail pasearekin doanik da eta ordu 2etan helduko ginateke ere bai.

Denon artean eztabaidatu eta bigarren aukera egokiena dela adosten dugu. Andenera korrika joan eta juxtuan hartzen dugu Antwerpen-erako trena.

11ak bueltan Antwerpenera heldu eta geltokiarekin liluratuta geratzen gara, ze polita! Gose gara eta hamaiketako erostea erabakitzen dugu: ogia eta edaria. Eta ogi barruan jartzekoa? Ba Maitanek ekarri zuen Euskal Herritik, eskerrak! Urdaiazpikoa, txorizoa…topera!

Panos Rail

PREZIOAK

Barra txiki bat 0,65€

Integral txiki bat 0,75€

Ura 1,50€

Jarraian trena hartu eta bertan jaten dugu hamaiketakoa. Pikarekin hitz egiten jarri gara eta konturatu gabe 12ak eman eta Roosendal-en gaude. 15 minutura hurrengo trena hartzen dugu. Hala gaudela poz baino pozago, alboan daukagun emakume atsegin batek lehenengo klasean gaudela esaten digu, baina “a hacerse el sueco” eta aire! Bistetaz gozatu nahi dugu eta.

Amsterdamera heldu bezain laster, hurrengo eguneko trenaren erreserba egiten dugu (Amsterdam-Osnabrück, 4€/pers.).

Aitorrekin geratzen gara gero, gure anfitrioiarekin. Duela hilabete gutxi neskarekin Amsterdamera etorri da etorkizun on baten bila. Neskak beka bat dauka eta arte-galeria batean egiten du lan. Berak otsailaren hasieran lan bat lortu du Software ingenieritza lan postu batean. Danon artean buelta bat ematea erabakitzen dugu baina lehenengo…BAZKALTZERA MESEDEZ!

“Café de Barones” taberna txuku bat aurkitzen dugu. Zerbitzaria oso jatorra da eta sandwich batzuk eta pikatzeko hainbat pintxotxu prestatzen dizkigu. Aitorrek komentatzen digu horrelako zerbitzaririk ez dugula gehiago aurkituko Amsterdamen, jendea oso itxia delako.

PREZIOAK

Sandwich 3€

Bokata 3€

Basu bat garagardo 2,2€

CocaCola 2,1€

Tripa beteta paseatzera joateko prest gaude, eta Bloom Market (loreen merkatua) ikustera joaten gara . Motxilarekin gabiltzanez, hostalera tranbiaz joatea erabakitzen dugu. Agur eta hurrengora arte Aitor!

PREZIOAK

Odu bateko ticketa 2,80€

Gure hostala, InnerHostal, Museumplein-etik oso hurbil dago. Bi gau egingo ditugu bertan.

Museumplein

PREZIOAK

Gau/pertsona+Gosaria 21,75€

TOTAL 174€

Pixka bat deskantsatu eta 21etan Haritzekin, gure beste anfitrioiarekin, geratzen gara. Bere etxera eramaten gaitu afaltzera. Ezetz asmatu zer egin digun? PATATA TORTILLA!  Eta ze ona! Nabaritzen da Haritzen lana: sukaldaria. Guk ere pare bat botila ardo oparitu dizkiogu (10€).

Afariaz gozatzen dugun bitartean kontu askotaz hitz egiten dugu. Haritzek nola hona etortzeko erabakia hartu zuen. Nola bizitza kalitatea Amsterdamen ona dela, baina garestiagoa, bere lana, Herbeeretako eta Euskal Herriko dauden aldeak... Oso solasaldia atsegina!

Hain gustora gaudenez tranbiaren ordutegia pasatzen zaigu eta taxiz joaten gara hostalera (18€).

Gabon Amsterdam.

3.EGUNA -Otsailaren 10a

Egun on! Esnatu, golsadu eta Centraal-era (geltokira) joaten gara Waterland-erako autobusa hartzeko.

Centraal-erako tranbia:

Odu bateko ticketa 2,80€

Waterlanderako autobusa:

Egun bateko ticketa 10€

(Waterlandeko herri guztiak bisitatzeko balio du: Volendam, Edam, Marken, Monnickendam...)

Gure lehenengo geralekua…Edam. Ze polita bere kanal eta etxetxoekin, eta ze lasaia!

Edam

Edam

Edam

Hortik Volendam-era. Han paseatu, bistekin gozatu eta postal batzuk erosten ditugu etxekoentzat.

PREZIOAK

Postalak 5€

Volendam

Bazkaltzeko “D'OuweHelling Bistro” jatetxea zeukan pentsatuta Maitanek. Bertan bazkaldtzen dugu kriston bistekin.

"D´OuweHelling Bistro". Volendam

                                                   "D´OuweHelling Bistro". Volendam

PREZIOAK

Panini Clubsandwich (entsalada eta patatekin) 7,50€

Plater tipiko bat (arenke) 8,25€

Heineken 2,30€

Omelette (gazta eta urdaiazpiko) 7€

Tripa beteta paseotxu bat ematen dugu Volandemetik. Emakume batek bere etxea erakusten digu. Berak komentatzen digu Volendamen ohituta daudela turisteekin harremana eukitzea.

Amsterdamekin konparatuta hemengo jendea zabalagoa da, eta atsegina! Herri batean bezala.  

  Ieneko Volendamen                                                

Goihaitz eta Irati Volendamen

Trineo bat uzten digute eta lelokeriak egiten hasten gara.

Erlojua ikusi eta gero Amsterdamerantz abiatzen gara, gure anfitrioiak zain ditugu eta!

Victoria Hotelean kafetxo bat hartzen dugu haiei itxaroten gauden bitartean. Relax momentua izan da guztiontzat.

PREZIOAK

Kaputxino 2,80€

Hot chocolate 3,10€

Iñaki, Jaione, Ana eta Ane gure zain daude, eta haiengana joaten gara.

Paseo bat ematen dugu denok batera: kanalak, auzo gorria, dendak. Horien artean batek atentzioa eman digu, eta nola ezetz, argazki bat egin beharko genuen!

               

                www.condomerie.com

… gero cocacola bat hartzen dugu Coffee Shop batean. Ezin dugu birra bat hartu Coffee Shop guztietan alkohola saltea debekatuta dagoelako.

Coffee shopean

                                                                       Coffee shopean

Gau hartantxe “La Oliva Pintxos Y Vinos” 

jatetxean afaltzekoak ginen eta gurekin afaltzera gonbidatu ditugu gure anfitrioiak ere (hantxe baikeneukan Haritz, sukaldean bertan). Flipatu egin dugu Haritzek prestatutako guztiarekin… ze ona!!!!Eskerrik asko Haritz! 

Iñaki Coffee shopean

Ieneko eta Jaione Coffee shopean

Ane Coffee shopean

                                                   Ane eta Jaione Coffee shopean

Afaldu ondoren trago batzuk hartzera goaz. Gau polita izan da, danok batera abesten...




                         

   

                                               

   

  

Oso gustora gaude eta iaia ordu bata da! Ene, korrikan taxi handi bat hartu eta hostalera joaten gara, hurrengo egunean 5:30etan altxatu beharra daukagu eta!

                              TAXI 18€

Gabon Amsterdam, tripa beteta eta oso gustora goaz ohera!

    4. EGUNA -Otsailaren 11a

Egun on berriz ere!

Gosari express bat hartu eta korrika joan behar dugu Centraalera! Berandu da jada, eta trenek ez dute itxaroten, hori ondo ikasi dugu jaja.

                Tranbia per pertson 2,8€

7ak laurden gutxitan heltzen garageltokira, kafe batzuk erosi eta segituan andenera joaten gara.

Bremenerako trena etorri eta bagoaz! (Gogoratu, erreserba per pertson: 4€).

Bazen Maitanek deskantsua hartzeko garaia, bere lana amaitua du jada. Hori bai, zelako gustua hartu dio gidari txapelari! Ieneko da hurrengo gidaria, eta orain berak eraman beharko du gidari txapela.